Ngā ngahere hei wāhi mahi, hei wāhi tākaro Ngahere for work and play
Ka whakaratohia e ngā ngahere ngā whai wāhitanga mahi, pērā i te kaiārahi paihikara maunga rānei, ētahi atu pakihi tāpoi rānei. Ka mutu, ka whakaratohia e ngā ngahere he wāhi tākaro, he wāhi rēhia hoki.
Ngā whai wāhitanga mahi, tākaro hoki
Kei ngā ngahere ngā ara:
- hīkoi
- eke paihikara maunga
- eke hōiho.
Kei ngā ngahere ngā:
- wāhi whakatā, wāhi whakahaumanu hoki mā te tangata
- whai wāhitanga mātauranga mā ngā kura
- moni whiwhi hei āwhina i te whanaketanga ā-rohe me te oranga ā-hapori.
Ngā tauira ngahere tāone
Te ngahere o Whakarewarewa
I te ngahere o Whakarewarewa i Rotorua, ka kotahi ai te mahi, te tākaro me te mahi tāpoi. He ngāwari noa te kuhu atu, he 5 mēneti te taraiwa mai i te pokapū tāone.
Ko te ngahere o Whakarewarewa he ngahere rākau rāwaho e mōhiotia ana mō ana rākau Paina Whero, ā, e tipu ana i raro iho he paparanga rākau taketake. Kei roto i te ngahere he:
- ara hīkoi, he ara oma hoki
- ara eke paihikara maunga mā ngā taumata katoa
- ara eke hōiho
- wāhi kai, he wāhi huinga tāngata hoki
- hīkoi kāuru rākau me ngā piriti tārewa 28 i waenganui i ngā rākau Paina Whero 27. He mea hoahoa tēnei mahi tāpoi whiwhi tohu mō te awatea me te pō. I te pō ka tūramatia te ngahere e ngā rama ahurei.
Ko tā te ngahere he whakarawe wāhi tākaro, wāhi mahi hoki mā te haukāinga. He mea whakapoapoa hoki i ngā manuhiri.
Ka whakahaerehia hoki e Crankworx te taiopenga tino nui o te Tuakoi Tonga ki te ngahere o Rotorua.
Ngā tātua kākāriki o Te Whanganui-a-Tara
He tātua kākāriki o roto, o waho hoki ō Te Whanganui-a-Tara e whai wāhi ai ngā mahi ā-rēhia mā ana kainoho me ana manuhiri. Ko ngā tātua kākāriki he wāhi e kapi katoa ana i ngā rākau.
Ka whakarawehia e ngā tātua nei he:
- wāhi hei tiaki, hei whakahaumanu i te taiao
- ara hīkoi
- ara eke paihikara maunga
- pāka, he whenua tāpui, he whaitua kākāriki, he ngahere anō hoki (taketake, rāwaho hoki)
- wāhi e whakatā ai te tangata i te taiao.
I whakamahia ngā ngahere tātua kākāriki hei wāhi hopunga ataata i te wā o te kiriata Lord of the Rings. Ka whai wāhi hoki ngā mahi tāpoi pērā i ngā hīkoi arahanga me ngā tawhio Lord of the Rings.
Mā ngā tātua kākāriki e hua mai ai hoki ngā painga mātauranga mā Te Whanganui-a-Tara. Arā, ko ngā akoranga eke paihikara maunga me ngā whai wāhitanga tuku mātauranga.
He mahi whai ake
Tirohia ka pēhea e ārahi ai te mātauranga me te auahatanga Māori i tō kaupapa ngahere.